ಭಾರತ ಮಾತೆಗೆ ನೂರಾರು ನಮನಗಳು.

ಭರತಭುವಿಗೆ ಶತಶಃ ನಮಃ

🚩

ಭರತಭುವಿಯಲಿ ಮಾನವನಾಗಿ

ಜನಿಸುವುದೇ ಮಹಾಭಾಗ್ಯವು;

ಪಶುವಾಗಿಯಾದರೂ ಹುಟ್ಟಲಿ,

ಮರಗಿಡವಾಗಿಯಾದರೂ ಬೆಳೆಯಲಿ ॥

ಕನಿಷ್ಠತಮ ಬಂಡೆಯಾದರೂ ಸರಿಯೇ

ಈ ಪುಣ್ಯಭೂಮಿಯಲಿ ನೆಲಸಿರಲಿ;

ಕಾರಣವಿದೆ—ಶಿಲೆಯೂ ಇಲ್ಲಿ

ಭಗವಂತನಾಗುವ ಅವಕಾಶವಿದೆ ॥

ನದಿಗಳು ತೀರ್ಥದ ಹೊನಲಂತೆ,

ಗಾಳಿಯು ಮಂತ್ರದ ನಿನಾದದಂತೆ

ಮಣ್ಣಿನ ಕಣಕಣದಲ್ಲಿಯೂ ನೆಲೆದಿದೆ

ಋಷಿಮುನಿಗಳ ತಪದ ಪ್ರಸಾದ ॥

ತ್ಯಾಗ-ಯೋಗ, ಧರ್ಮ-ಕರುಣೆ—

ಸಾಧುಸಂತರ ಪುಣ್ಯಭೂಮಿಯಿದು;

ಜನ್ಮವೆಂಬುದು ಇಲ್ಲಿ ವರವಾದರೆ,

ಮರುಜನ್ಮಕ್ಕೂ ಇಲ್ಲಿಯೇ ಆಸರೆಯಿದೆ ॥

ದೇವಾನುದೇವತೆಗಳ ದೇಶವಿದು,

ದೈವತ್ವದ ದಿವ್ಯ ಸಂದೇಶ ಹೊತ್ತ,

ಜಡದಲ್ಲಿಯೂ ಚೈತನ್ಯ ಕಂಡ

ಭರತಭೂಮಿಗೆ ಶತಶಃ ನಮಃ ॥

ಬರಹ:

✍️ *ಅಮರ್ಜಾ* - ಅಮರೇಗೌಡ ಪಾಟೀಲ ಜಾಲಿಹಾಳ, - ಮೊ. 9900504639

RANAGALNEWZ